Энд хуучнаараа...

Энд хуучнаараа...

Хүмүүс наранд итгэдэг
Саранд мөрөөддөг хэвээр.
Хүсэл минь наранд хүрдэг
Сарыг өмчилдөг хэвээр.
Хүлээлт минь он цагтай сөргөлдөж
Хүрэн зүрх минь өөрийгөө эрдэг
Хэвээр...
Хэвээрээ энд бүх зүйл яг л
Хуучнаараа.
Хүмүүс хүүхэд шиг хэвээрээ
Хүссэн бүхэндээ хүрэх гэдэг
Хэрвээ чадахгүй бол уйлдаг
Хэвээрээ...
Харчуул Адам шиг эхнэрийнхээ
Үгэнд ордог
Хүүхнүүд агсам тавьдаг нөхрөө
Гэртээ хүлээдэг ч
Хүүхдүүд нь айл гэр болж тоглодог
Бүх зүйл янзандаа...

Гэхдээ бурхан минь
Та өөрчлөгдсөн үү...?