Thursday, May 19, 2011

Чиний ...




Чиний нүдээр ертөнцийг харан
Нүргээн дунд нам гүм суух
Чиглэн ирэх уйтгар гунигийг
Баярлан угтах, баярлан үдэх
Зүрхний хэм алдалт шиг
Зүг зүгийн цаг өөр өөрөөр цохилох
Өөрөөр цохилсон мөч бүрүүдийн төгсгөлд
Өөрөөрөө л үлдэх...

Чиний чихээр хорвоог дуулж
Харанхуйн дунд анивчин суух
Чилийсэн урт өдрүүдийг
Чин хүслээрээ туулах, бас дуулах
Үлдээж орхисон дурсамжууд минь сэрэх шиг
Үе үе бүлээхэн салхи сэвэлзэх
Сэрж мартсан он жилүүдийн төлөөсөнд
Сэтгэл минь хуучрах...
Гэвч
Хуучирсан сэтгэлээс шинэ дуу төрөх
Төрсөн дууны гэгээн аясанд
Чиний нэр нуугдах...
Чиний хэлсэн үг бүрээр
Навчсын судалд нэр хайрлаж
Судлыг нь дагасан амьдралаа хайр гэдэгт итгэхэд
Судсыг минь дагасан хүсэл минь
Буй биеэр оргилном...

6 comments:

  1. Чиний чихээр хорвоог дуулж. /Эсвэл сонсож юм болов уу!!!/

    Сайхан шүлэг байна.

    ReplyDelete
  2. Уйлмаар эсвэл дуулмаар ч юм шиг
    Уянга дагуулсан гэгээн мөрүүд...

    ReplyDelete
  3. зөөлөн гоё шүлэг байна...

    ReplyDelete