Хаа ч юм сонссон хуучин танил дуу
Хаалттай цонхны цаанаас ч
Хачин тод уянгалах нь
Хаврын шөнө орсон
Анхны борооны үнэр
Хамаг биеийг минь сүвлэн
Нэвтрэх шиг санагдана.
Газарт буухаасаа ч өмнө
Сарнин бутрах дуслууд нь
Газар дэлхий дээр намайг
Өөрийгөө эмтлэн үлдээх
Гарцаагүй үнэн жамыг
Гайхалтай энгийнээр үзүүлэх
Гагц нандин мөчид
Эмтэрхий бүхнийг нэгтгэж суудаг
Эмгэн буурал ижий минь
Энтээх хананы цаана хүүгээ хайрлан
Зүүдлээ дээ...
2011.04.16
vneheer shan shvleg yum.
ReplyDeleteБаярлалаа хө
ReplyDeleteамьдрал ийм яруу юм
ReplyDeletetiim yaruu amidarliin tuluuu temtsej yawaa bid...
ReplyDelete